संकल्प नवं वर्षाचा

 

नवं वर्षाचे स्वागत

संकल्पाचे उच्चारण

शब्द मज भेटताच

निराशेचे उच्चाटन

शब्द यावेत जुळुनी

यावी धार लेखणीस

सरस्वती ध्यावी गावी

मूर्तरुप संकल्पास

शब्दांच्या गावा फिरुनी

शोधावे शब्दभांडार

आंजारुन गोंजारून

भरावे शब्द आगार

नक्षत्र वेलीवरची

शब्दफुलें अभ्यासावी

साहित्याची मांदियाळी

लेखनाचा मार्ग दावी

प्रतिभा नि प्रतिमेच्या

साहित्य संगमावरी

शब्दांकुर फुलुनीया

काव्य व्हावे भरजरी

अभिरुची कलासक्त

शब्दामाळ माळतांना

सालंकृत असा साज

लाभावा मम शब्दांना 

ऐसा संकल्प करुनि

काही लिहावे वाटले

नक्षत्रासम चंदेरी

भेटले हो शब्दफुलें

रसिका राजीव हिंगे