तू येतोस
रोज नियमाने
ठरलेल्या वेळेस
कसं जमतं तुला
हे वेळेचे बंधन
पाळणे
प्राची घेऊन येतोस
सोबत
सगळा चराचर
केशरी होतो
उषेच्या गालीची
लाली असते
रे ही
तुला पाहून धरा
पण मोहरून येते
आणि गंधाळते
सगळ्या फुलांचे
गंधकोष घेऊन
तुझ्या स्वागतासाठी
असतं रे हे सगळं
तू आलास की
भूवरी असतं
आनंदवन.
रसिका राजीव हिंगे
दिन दिन दिवाळी
आली माझिया घरी
आनंदाला उधाण
आले ग घरोघरी
धनत्रयोदशीचा
पहिला आला दिस
धन्वंतरी पुजावा
देई आरोग्यास
सुख नि समृद्धीची
नात्यांची ही संपदा
परस्परात वाढो
हीच धनसंपदा
माणुसकीची ज्योत
लावावी संवादाने
जगण्याचे हे मर्म
जगावे आनंदाने
शुभ सकाळ
रसिका राजीव हिंगे
लखलख तेजाळत
उत्साहाचे पैंजण
घालून
आनंदाचा पदन्यास
करीत आली.
सारा आसमंत आता
उजळून निघेल
तिच्या प्रत्येक ज्योतीमध्ये
सामावले आहे आरोग्य
समृद्धी,यश आणि
चैतन्य
प्रकाशाचे आंदण
देण्यास
प्रत्येकाचे जीवन
उजळण्यासच
ती येते
हे तेजाची जननी
तुझे स्वागत आहे
सारे सानथोर
आतुरले आहेत
तुझ्या स्वागतास
काळ्याकभिन्न काळोखात
आशेचे, संपदेचे आणि
हो ग आरोग्याचे किरण
पण घेऊन ये
सारे चराचर
निरामय होण्यासाठी.
शुभ सकाळ
रसिका राजीव हिंगे
हे दिवाळी तू आलीस
तेजाचे रूप घेऊन चराचर
व्यापून आलीस
आनंद,उत्साह,चैतन्य, धनधान्य,
समृद्धी आरोग्याचे दान
घेऊन आलीस तू.
जशी पूर्वी यायचीस...
माझ्या लहानपणी सारी सृष्टी
आनंदविभोर, भावविभोर व्हायची
तशीच
तू अजूनही येतेस
पूर्वी तुला खरा आनंद
मिळायचा, तुझं स्वागत
औपचारिक नसायचं.
मनापासून आतुरतेने वाट
पाहुन केलेलं असायचे स्वागत
तू पण हरखून जायचीस न.
सोबत आणलेले सारे दान
करत यायचीस
त्यामुळे प्रत्येक घरात
संपदा, समाधान असायचे
कोणत्याही गोष्टीची हाव
नव्हती आहे त्यात
आनंदाने जगणारी, माणुसकी
जपणारी,नाते जपणारी
मानवसृष्टी होती.
दिव्यांचा लखलखाट नव्हता ग
पण ज्योतीचे तेजाळलेपण होते
थरथरत्या ज्योतीत पण आत्मविश्वास
असायचा. सारा आसमंत प्रकाशित
करण्याची ताकद पणती च्या ज्योतीमध्ये
आहे असं वाटतं.
आताची ही लखलख भपका पहिला
की तुझं ते शांत रूप मनाला भावतं
निसर्गाच्या गाभ्यातून तुझं येणं
त्याचवेळेस धरतीच्या गर्भातून
आलेल्या हिरवाईने नटलेली
धुक्याची शाल पांघरलेली
पहाट. अहाहा नयनरम्य ग
सगळंच.
पण आता सगळं कसं ग
औपचारिक झाल्यासारखे वाटतं
सगळ्यांची नुसती पळापळ
कशाच्या तरी मागे धावणारी ही
पिढी तुझं स्वागत असंच करेल ग
औपचारिक, परंपरा आहे म्हणून
पण हे असंच चालायचे ग
कालाय तस्मै नमः
भौतिकवादी पिढी विज्ञानाच्या टीमक्या
वाजवत राहते पण हे विज्ञान
आधीच आपल्या ऋषीमुनींनी
शोधलं आहे नव्हे अगं
निसर्ग म्हणजेच विज्ञान
हे सांग बाई या पिढीला
म्हणजे पुन्हा पूर्वीसारखे
तुझे मनापासून स्वागत होईल
कारण हे कालचक्र गोल फिरते
आहे पहिला बिंदू
येईलच.
खरे आहे न ग?
रसिका राजीव हिंगे
8600047066
तव पदी दे आश्रय
तुज शरण गौतमा
पुन्हा यावेस तू जन्मा
विनवितो परमात्मा
झालो व्याकुळ जीवनी
नच शांती लाभे जीवा
शांतिरुपा परमेशा
मार्ग दावी मज देवा
विष्णुरुप तू भूवरी
सिद्ध करी रे सिद्धार्थ
आठवे अवतारी होता
तैसा असे रे मी पार्थ
रामराय चित्ती आहे
दूत होऊनि आलो रे
प्रेमभाव अंतस्थ हा
तुज भेटाया आलो रे
तुज न्याहाळता भासे
भार्गव तू परशुधारी
होऊ दे रणकंदन
अहंकाराचे या भूवरी
बटुरुप वामनाचे
धरेवरी पुन्हा तू घे
सारी अराजकता ही
त्रिपदात व्यापून घे
शांतिस्वरूपा गौतमा
तुज कळे सारे सारे
तव द्वय चरणांशी
म्हणूनिया आलो रे
रसिका राजीव हिंगे
