देवकी

 

मातृत्व

कसे आहे हे

कर्मबंधन

तुला जन्माला घातले

पण पालन पोषण 

मात्र यशोदेने केले

कृष्णा खरेच कसले 

हे संचित माझे

तू जन्माला येणार म्हणून

मी किती आनंदली होती

मनात भीती होती तरी

विश्वास होता तुला हा

कंस मारू शकणार नाही

माझा विश्वास खरा ठरला

पण तूझ्या बाललीला 

मी पाहू शकले नाही

तुझे बालपण अनुभवू

शकले नाही 

तुझ्या बालपराक्रमाच्या

कथा ऐकत होते 

आणि मनोमन 

हरखत होते

यशोदेचा कधी हेवा

वाटला नाही पण 

मी मातृत्व उपभोगले

नाही याची खंत 

मात्र मला होती

कायमच

रसिका राजीव हिंगे