उद्धव

 कृष्णाचा सखा 

परमसखा

मथुरेला पहिल्या भेटीतच

सुगंधित पुष्पमाला घालून

केलेले कृष्णाचे स्वागत

त्यावेळी भारावलेला हरी

आणि सुखावलेला तू

अप्रतिम दृश्य ते

खाली वाकून कृष्णास

मोठा बंधू म्हणून तू

नमस्कार केलास की

तुझा सखा म्हणून गळाभेट

दिलीस की तुझा ईश्वर तुझ्या

पुढ्यात उभा होता म्हणून 

तुझ्या आनंदाश्रू नी त्याला

अभिषेक केलास?

सावलीसारखा त्याच्या

बरोबर होतास

कृष्ण प्रत्येक क्षण तुला

सांगायचा असा तू

भक्तांचे प्रतिनिधीत्व करत

होतास. 

सगळ्या सामान्य भक्तांच्या 

मनात येणारा प्रश्न तू 

विचारलाच

ऐसी सुलभ भक्ती देवा

परी सारे का न करिती?

तुझ्यासारख्या योग्याला 

समजेल असेच भक्तवत्सल

उद्गारला

भाग्येवीण भक्ती न लाभे 

उद्धवा!

शुभ सकाळ

रसिका राजीव हिंगे