अक्रूर

 कंसाचा मंत्री

म्हणून

आमंत्रण द्यायला आला 

गोकुळीं बलराम कृष्णास

धनुर्यागाचे

तू तर मंत्री होतास

फक्त राजाज्ञा पाळणे

एवढेच तुझे कर्तव्य

तरीही कंसाचे कपट

सांगून नंदराजास

सावध केलेस

बलराम कृष्णास ही 

पूर्वकल्पना दिली

का?

तुझ्या मनात कसलं

द्वंद्व सुरू होतं

गोकुळातून कृष्णास घेऊन

जाणे कष्टप्रद होईल की

कंस कृष्ण आणि बलरामाचा

कपटाने वध करेल.

तुला हे ही माहीत होत न

कृष्ण हा परमात्मा आहे

कंस वधासाठी आणि दुष्टांचे

निर्दालन करण्यासाठीच

हा अवतार आहे.

तरीही तू का आलास 

हे सांगितलंस.

कृष्णावरच्या भक्तीमुळे

की प्रेमामुळे 

का या यादवश्रेष्ठास

प्रथम तुला पाहण्याची

इच्छा झाली म्हणून

तू हे आव्हान

स्वीकारले?

शुभ सकाळ

रसिका राजीव हिंगे