क्षण

 

प्रसंगानुरूप काव्य

सारेच क्षणभंगुर

क्षण येतात 

स्वतःचं अस्तित्व घेऊन

आलेला क्षण अनुभवत

असतांनाच पुढचा

उभा असतो उंबरठ्यावर

असे हे चक्र सुरू आहे

अव्याहतपणे

क्षण प्रेमाचे

तर कधी विरहाचे

सुखाच्या पाठी

दुःखाचे क्षण आहेतच

कधी आनंदाच्या झुल्यावर

मनसोक्त विहरत

येतात तर कधी 

मायेने ओतप्रोत भारलेले

तर काही होत्याचं

नव्हतं करतात निमिषात

प्रत्येक क्षणाचं अस्तित्व

वेगळं निराळं

गेलेला क्षण परत येत नाही

येणारा क्षणही

आपला आहे की नाही

सांगता येत नाही

असे हे विविधरंगी ढंगी

क्षण ज्याने अनुभवले

जगले,सोसले 

त्याच्यासाठी

आयुष्य खूप सुंदर

आहे

क्षणभंगुर असलं तरी.

रसिका राजीव हिंगे