सुभद्रा

 यदुवंशाची तू कन्या

बलराम कृष्णासारख्या

पराक्रमी भावांची बहीण तू

तुझेही हरण झाले

कोणी केले तर

कृष्णाच्या आवडत्या पार्थाने

सव्यासाची अर्जुनाने.

रूपवती होतीस

साध्या भोळ्या

बलरामास फितवले

कपटी दुर्योधनाने.

तुझ्याशी विवाह करण्याचा 

घाट घातला 

सगळ्या विश्वाचा 

रक्षणकर्ता तुझा

भ्राता कृष्ण

तुझ्या पाठी होता

तुझ्या नकळत 

तुझे हरण करण्याचा

तुला पळवून नेण्याचा

आदेशच जणू अर्जुनास झाला

तुझे भाग्य तुझ्या समोर आले

धर्मयुद्धाची अजून एक 

ठिणगी पडली.

नियतीने जे ठरवले

तेच घडणार हेच सत्य

त्रिभुवनाचा पालनकर्ता 

तुझ्या पाठीशी होता 

तुझ्या कर्माचे फळ तुला

मिळालेच.

शुभ सकाळ

रसिका राजीव हिंगे