सुदामा

 

मैत्री 

अतूट बंधन

तुझी आणि कृष्णसख्याची

मैत्री अजरामर झाली.

सांदीपनी ऋषींच्या

अंकपाद आश्रमात 

एक गरीब सच्छिल ब्राह्मणकुमार 

एक यादवांचा राजकुमार

गुरुबंधू म्हणून भेटलेला 

कृष्ण तुला मैत्रीसारखे 

अमोल रत्न देता झाला. 

तुला मांडीवर घेऊन 

तुझ्या पायातले काटे काढणारा

तुझी पाद्यपूजा करणारा सखा

तुझे पोहे स्वीकारून 

तुला  समृद्धीचे आंदण

देणारा द्वारकाधीश तुझा सखा

तुला गळाभेट देणारा तुझा

गुरुबंधू परममित्र श्रीकृष्ण

किती रुपं ही तुमच्या मैत्रीची

मैत्रीच्या आड कोणतीच गोष्ट

येऊ शकत नाही याचे

उदाहरण म्हणजे ही मैत्री

जगज्जेता श्रीकृष्णाशी

मैत्री म्हणजे पूर्वसंचित

तुझे उत्तम होते हेच 

सत्य. होय ना?

शुभ सकाळ

रसिका राजीव हिंगे