गोपाल आणि कृष्ण

चल कान्हा घे मुरली

जाऊ गोधन घेऊनी

सवे सारे सवंगडी

यमुनेच्या तीरावरी

खांद्यावरी घे कांबळे

घेई हातात बासरी

उडवित धुळमाती

निघे मुरारीची स्वारी

आट्यापाट्या चेंडूदांडू

घेऊ डोहात डुबकी

न्यारी अंगतपंगत

थोडी माध्यान्ही डुलकी

मुरलीचे सुरावरी

सांज आली उतरून

गात नाचत गोकुळीं

येती सारे  परतून

गोपांसवे खेळामध्ये

ऐसा रमतसे हरी

खेळ सारेच विश्वाचे

खेळतसे गिरीधारी

शुभ सकाळ

रसिका राजीव हिंगे