अरुपा

 किती रूपे तुझी

तू एकच आहेस  परी

धारण केलेस अनेक रुपं

भक्तांसाठी

स्वतः अरुपा असूनही

राधेसह सगळेच तुझ्या

कृष्णरूपावर भाळतात

नामजप करतांना

कोदंडधारी असा तू दिसतो

पराक्रमाच्या गाथा सांगतांना

नयनी परशुराम सामावतो

बटुरुपातला वामन असो की

दत्तरुप अवधूत 

तुला आळवतांना कधी

श्रीपाद तर कधी 

प्रल्हादासाठी

स्तंभातुन कडाडत येणारे

नरसिंह रौद्ररूप

समुद्रमंथनातून निघालेले

विष कंठात धारण करणारा

नीलकंठ तर कधी

गुरुराज रामदत्तरूप

ही विविध रूप धारण

करणे म्हणजे तुझी

माया आहे परमेशा

रुपं ही प्रतिकात्मक 

आहेत 

भक्ती करायची 

नाम घ्यायचं तर 

कुणाचं

यासाठी केवळ भक्तांना

तारावया साठी तू निरकारा

आकारास येतो

निर्गुण रूप सगुणरूप

होतं आणि भक्त

तुझ्या नामात तुझ्या

रुपात तल्लीन

होतो

हेच खरं परमेशाचे

रूप समजून तो तुझ्या

चरणी लीन होतो

आणि मोक्ष मिळवतो

केवळ ह्या 

लावण्यमय रुपामुळे.

रसिका राजीव हिंगे