श्रीहरी

आले दाटून मेघ पुन्हा

काळे नि जांभुळले

जणू भासे धरेवरी

कृष्णरूप हे सावळे

वीज कडाडली नभी

आल्या सरीवर सरी

करी कृपेचा वर्षाव

मधुसूदन श्रीहरी

गार वारा भिरभिरे

गंधाळली फुले सारी

दिसे मजला भूवरी

वासुदेव गिरीधारी

टपटपे पारिजात

नादमय पदन्यास

राधासवे रचियेला

वाटे मुरारीने रास

असतोच इथे तिथे

श्रीकृष्णा कणाकणात 

सद्गुरू रूपे मज

भेटतो चराचरात

शुभ सकाळ

रसिका राजीव हिंगे