दिवस

निमिष क्षण पळ

घटिका प्रहर युक्त दिवस

नियमाप्रमाणे

उगवतो आणि मावळतो

यात बदल होत नाही

प्रत्येक दिवस 

वेगळं वळण घेऊन

येतो 

नवे संकेत,नवी आशा

मनाला देत दिलासा

प्रत्येक दिवसांचं रूप

वेगळं 

कधी सुखाच्या हिंदोळ्यावर

तर कधी दुःखाच्या डोंगरावरून

कडेलोट करणारा दिवस

कसाही असला तरी

तो आपला असतो

माझा असतो

माझे सगळे जगण्याचे

धागे त्याच्याभोवती

गुंडाळलेले असतात

जोडलेले असतात

माय लेकरांच्या

नाळेसारखे.

रसिका राजीव हिंगे