असे सौभाग्य माझ्या भाळी
जन्मजन्मांतरीची पुण्याई
माझाच मला वाटे हेवा
भगवंताची झाले आई
कान्हा कान्हा म्हणता म्हणता
दिस तो माझा निघून जाई
चांदण्यांचे घेत पांघरूण
रात्र येई गात अंगाई
तुझ्या बाळलीला पाहुनिया
हर्ष मनी मोहरून येई
तुझ्यामुळेच रे कान्हा मी
आनंद क्षण वेचित जाई
तुज म्हणती वासुदेव जरी
देवकीचा आहेस तान्हा
परी ऐसे ही वदती जगी
सारे तुज यशोदेचा कान्हा
शुभ सकाळ
रसिका राजीव हिंगे
No comments:
Post a Comment