कृष्ण सखा अधिकमास

शब्द शब्द जुळवून

भाव सुमने वाहिली

स्वीकारावी कृष्णसख्या

शब्दफुले अर्पिलेली

तव चरणी जे आले

भवसागरी तरले

त्यांचे स्मरण करुनी

शब्द प्राजक्त वाहिले

नसे सामर्थ्य माझे हे

तूच लिहिविले सारे

धरूनिया लेखणीस

तूच गिरविले सारे

झालेल्या अपराधाची 

क्षमा करावी केशवा

सत्कर्माचे गुज सांग

मज एकदा माधवा

पुरुषोत्तमच्या पदी

अधिकातील अर्पण

जे जे भलेबुरे ते ते

सारे सारे समर्पण

रामसद्गुरू कृपे

तुज प्रार्थिते गोविंदा

आता सावर भारता

सारी आवर आपदा

शुभ सकाळ

रसिका राजीव हिंगे