प्रसंगानुरूप काव्य
The sound ऑफ music चित्रपटातील प्रसंगावर आधारित
कैसी किमया घडली
सहज आलास पुढती
गिरकी घेता घेता रे
तव हात आले हाती
नृत्याविष्कार बघता
मम काया शहारली
जादू तुझ्या स्पर्शात
लाज गाली विसावली
तव नयनांची भाषा
मज आकळे क्षणात
जन्मजन्मांतरीची
भेट होई निमिषात
कोण मी न मज ठावे
सहवास आनंदला
तुझा स्पर्श सांगतसे
मीच आधार ग तुला
ऐसी वृक्षा बिलगली
वेल नाजूक लाजून
स्वर्गसुख ते यापरिस
सांग कोणते साजण
रसिका राजीव हिंगे
No comments:
Post a Comment