शुभ सकाळ

 तू येतोस रविराजा

नित्य नियमाने रोज

कंटाळा नाही येत का

उठायचा रोज रोज

दिवसभर फिरत

कामे करतो सगळी

पूर्वेकडून पश्चिमा

गाठतो वेळेच्यावेळी

तुझ्यासारखे आहे रे

सगळेच चराचर

पण हा मानव प्राणी

ऐकत नाही ना गजर

तुला सांगते भास्करा

आता ऐकतील सारे

आला न अदृश्य शत्रू

घेत तुझे ज्ञान सारे

आता घालतील बघ

तुला रोज नमस्कार

शक्ती तुझी देशील ना

ऐकू तुझा रे गजर

शुभ सकाळ

रसिका राजीव हिंगे