शिवशाहीचा सूर्य तळपता

 

प्रथम वंदन गणेशाला

नमन अंबा म्हाळसाई ला

दे आशिष रसराजला

पोवाडा रचण्याला जी जी जी जी 

लाल महाली निवांत होता

औरंग्याचा मामा शाहीस्ता

गनिम गाफिल होता

शिवशाहीचा सूर्य तळपता

आला शिवबा  जी जी जी जी

हर हर महादेवचा गजर

भ्याड शाहीस्ता झाला फरार

बोटं कापली शिवबाने चार

गनीम घाबरला फार

आला शिवबा जी जी जी जी

आई भवानीची तलवार

घेऊनी केलेत बहु वार

शत्रू झाला बेजार

घेऊनी शिवाचा अवतार

आला शिवबा जी जी जी जी

जीवा म्हालास मागे ठेवुनी

आला आग्य्राहूनी सुटूनी

हातावरी तुरी देऊनी

आला स्वराज्यात राजा मानी

आला शिवबा जी जी जी जी

लेकी बाळीस अभय दिले

गडकोट किती ते जिंकले

स्वराज्याचे तोरण बांधले

शिवराय छत्रपती झाले

शिवराय छत्रपती झाले जी जी जी जी

रसिका राजीव हिंगे