उधळीत रंग प्रीतीचा
चांद आला गगनात
जणू सावळ्या मिठीत
विसावली राधा क्षणात
सागराची लाट निळी
धाव घेई किनाऱ्यावर
निळ्या प्रीतीत रंगली
राधा भाळली काळ्यावर
कृष्ण कृष्ण म्हणतांना
बासरीचे सूर डोलती
विसरुनिया देहभान
रंग प्रीतीचा उधळती
निळे निळे हे आकाश
धरा ही सावळी सुंदर
कृष्णसख्याच्या रंगात
रंगले अवघे चराचर
राधा राधा नादत असतो
यमुनेचा गे तीर सावळा
रंग प्रीतीचा न्याहाळीत
कदंब उभा असे बावळा
रसिका राजीव हिंगे
No comments:
Post a Comment