बघुनी पुढती कान्हा सखये
लाज सावरी नजर बावरी
गुलाब कलिका अडविती वाट
परी खुणावे धुंद बासरी
पैंजण पायी नादत मंजुळ
शीळ वाजवी शीतल वारा
अधीर जाहली अभिसारिका
पाहण्यास गे नंद कुमारा
झाले तराणे सारे बहाणे
कालिंदीच्या तीरावरती
येउन अधरी सूर थबकले
फेर धराया अवतीभवती
घट पाण्याचे कुठे विसरली
झाली कैसी बाधा तुजला
का भरे घागर आनंदाची
ब्रह्म सावळे भेटे तुजला
©️®️रसिका राजीव हिंगे
No comments:
Post a Comment