इंद्रधनू समवेत
नारळाच्या झावळीत
विसावला श्रावण ग
वसुधेच्या सावलीत
आल्या श्रावणाच्या सरी
निथळत धरेवरी
हिरवाई आनंदून
झोके घेई ग भूवरी
सागराची शांत गाज
मोहरला श्रावण ग
गंध उधळीत आला
ऐसा मनभावन ग
जांभुळल्या मेघांची ग
दाटी जाहली नभात
परी हळदुले ऊन
घेई गिरकी क्षणात
निसर्गाची ही किमया
दाखवितो ग श्रावण
येतो म्हणुनी फुलून
करा करा ग रक्षण
रसिका राजीव हिंगे
No comments:
Post a Comment