ही वाट वेगळी तुझी

आज दिसले नाहीत
तुझ्या पावलांचे ठसे
ही वाट वेगळी तुझी
नाही कळलेच कसे

रोजचेच जाणे येणे
होत होती भेट तुझी
आज कशी वळलीस
ही वाट वेगळी तुझी

काय झाले सांग जरा
तुझ्या मनीचे गुपित
ही वाट वेगळी तुझी
समजले ग इंगित

बाळे लक्ष्मण रेषेच्या
जाऊ नकोस बाहेर
ही वाट वेगळी होई
आहे रावण समोर

जरा छानशी सुंदर
वाट निवडावी तुझी
मग म्हणतील सारे
ही वाट वेगळी तुझी

रसिका राजीव हिंगे
अकोला