ओळख

फक्त व्यक्ती भोवतीच नसते हो ओळख
पशु पक्षी,झाडे लतावेली ची होते पारख

आकाशाची ओळख देई शांत निळाई
सावळी धरा ओळखली का मृदगंधाई

मनातील भावनांची ओळख नयन देती
प्रीतीच्या कबुलीची  हळूच चुगली करती

सुख दुःखाची भाषा मुख चंद्रमा करी
वैखरीचे साधेपण ओळख हीच खरी

दगड विटा माती पाणी मेळ झालासे
ओळख देई पावित्र्याची मंदिर सुंदरसे

विविध भाषा विविध प्रांत एकच देश
माणुसकीची ओळख माझा भारत देश

रसिका राजीव हिंगे