शुभेच्छां

घरदार  छान छान

कसे कोण सजविती

हात फिरे घरावरी

गुज करिती ह्या भिंती

स्वच्छ आणि प्रसन्नता

वास करी लक्ष्मी तिथे

सांगे पुराण वेद ही

ऐश्वर्याची खाण तिथे

लखलख प्रकाश हा

जणू चांदणे चंदेरी

चंद्रासह रोहिणी ही

जशी आली या भूवरी

उत्साहाला ये उधाण

घरोघरी रोषणाई

आली आली दीपावली

स्वागताची झाली घाई

दिवाळीचा आपणास

देते शुभेच्छांचा साज

घ्यावा लेऊनी आपण

विनवीते रसिकराज

रसिका