किलबिल पाखरांची
भासे सुरेल गायन
शुभ सकाळ जाहली
गोड मधूर गुंजन
सोनसळी प्रभातीस
भास्करचे आगमन
अन्नकण वेचतांना
होई नादमय गान
भिरभिर पाखरांची
चाले अशी दिसभर
सुंदरसे घरटे ही
बांधीयले वृक्षावर
येता पंखामध्ये बळ
पिलू जाय दिगंतरा
सांगे गुज आनंदाचे
कानी रुणझुण वारा
पिलासाठी सारे काही
क्षणक्षण आणि पळ
कधी होई गळाभेट
कधी विरहाची झळ
शुभ सकाळ
रसिका
No comments:
Post a Comment