दवात भिजल्या भूवरी

डोलू लागली हिरवाई

गंधाळल्या पानफुलांचा

दरवळ ये ठायी ठायी

शिशिरात गंधित वारा

धावे वेगे  चहूकडे

कधी कधी घालीत येई

सुरेल मधुर शीळ गडे

आल्हादक हा गारवा

अनुभवे सारे चराचर

पूर्वक्षितिजी रविराज

उबदार करी परिसर

किती सुंदर हा निसर्ग

अगणित ते देई दान

करू त्याचे संरक्षण

राखवयासी संतुलन

जे आहे उत्तम उदात्त

त्यासी अर्पण करू या

गुरुकृपा ही होईल हो

पर्यावरणासी रक्षावया

               रसिका राजीव हिंगे