अल्कपित असेच काही सुचू दे
काव्यओळ ती ओठांवरी नाचू दे
शब्दांनो या सारे मन परडीत
आज लिहायचे काही अकल्पित
भावनांचा खेळ जरासा फुलू दे
अल्कपित असेच काही सुचू दे
अकल्पित अशी कुठली घटना
घेऊ लिहावयास काही सुचेना
आठवांचे द्वार तरी उघडू दे
अल्कपित असेच काही सुचू दे
मन सैरभैर हुंदडते आहे
शब्द माझे सारे लपवते आहे
थांब मना शब्द माझे परत दे
अल्कपित असेच काही सुचू दे
किती अकल्पित घडले जीवनी
सुख दुःखाची ही सुमधुर गाणी
नादमय मैफिल माझी रंगू दे
अल्कपित असेच काही सुचू दे
अल्कपित असेच काही सुचू दे
काव्यओळ ती ओठांवरी नाचू दे
©️रसिका राजीव हिंगे
No comments:
Post a Comment