दत्तरुप  ये भूवरी

नरहरी अवतार

रामगुरू दत्तराज

आनंदले चराचर

स्मर्तृगामी दत्तात्रेय

संतोषवि भक्तगणा

दिगंबरा दिगंबरा

जयकार क्षणाक्षणा

ग्रंथ वाचन त्रिपदी

उपासना प्रवचन

दत्तकृपा भुवनी या

रुद्रपाठ संकीर्तन

संत येति  संत घरा

पहावया हा सोहळा

ऐसा दत्त जन्मोत्सव

याची देही याची डोळा

भक्तांसवे संवादन

करी दत्त गुरुराज

आनंदाश्रू ये नयनी

हाच उत्सवाचा साज

ऐसे भाग्य जन्मोजन्मी

लाभो मज जगन्नाथा

हेच मागणे चरणी

नरहरी रामनाथा

           रसिका