गिरनार यात्रा
एखाद्या गोष्टीचा ध्यास घेतला की ती पूर्ण होतेच असं म्हणतात. याचा मी आताच अनुभव घेतला. निमित्त होते गिरनार यात्रेचे. श्री प्रमोदजी केणे यांचे गिरनार यात्रेबाबत चे अनुभव 17 ऑक्टोबर 2019 रोजी ऐकले. श्री प्रमोदजी हे दर पौर्णिमेला गिरनार फक्त 2 तास 30 मिनिटात चढून जातात. त्यांचे 256 वारीचे अलौकीक अनुभव ऐकून मला आयुष्यात एकदा तरी गिरनार पहावे चढावे असे सारखे वाटायला लागले आणि मनाला सतत एकच ध्यास लागला गिरनार वारीचा.
आणि सद्गुरु कृपेने तो सोनियाचा दिन उजाडला. गिरनार यात्रेला जाण्याचे ठरले. सोबत चांगली असली की सगळंच चांगलं होतं. म्हणतातच न " सुसंगती सदा घडो सुजन वाक्य कानी पडो" अशीच सुसंगत गिरनार यात्रा करतांना लाभली आणि माझी गिरनार चढून जाण्याची इच्छा पूर्ण झाली.
गिरनार यात्रा लागला हो ध्यास
पुरवावी आस, गुरुराजा।
व्हावया पूर्तता केली विनवणी
पुन्हा मनोमनी, गुरुनाथा।
लाभे गुरुकृपा केली हो सिद्धता
जाहली पूर्तता, मायबापा।
माय अंबाजीने अंकी बैसविले
मज चढविले, गिरनारी।
गवसणी नभा तुझी रे भव्यता
हिमालय सुता, उमाबंधू।
गुरू दत्तात्रेया चरण कमल
दाविले सकल, पूर्व भाग्ये।
पाहता पादुका दाटे गहिवर
आनंदाला पूर, नयनात।
कृपा गुरुनाथा व्हावी मजवरी
पुन्हा व्हावी वारी, गिरनार।
रसिका
No comments:
Post a Comment