असते का उत्तर या प्रश्नांना
कुणीच नाही जगती कोणाचे
परी जुळे नाते माणुसकीचे
कसे होती दृढ नाते जीवना
असते का उत्तर या प्रश्नांना
कधी जुळतील मने मनाशी
कधी तुटतील बंध जीवाशी
असे का घडते कुणी सांगा ना
असते का उत्तर या प्रश्नांना
आले गणराज आल्या गौराई
शक्तीची या अपार नवलाई
कुणी पाहिले आहे या शक्तींना
असते का उत्तर या प्रश्नांना
चराचरात मांगल्याचे लेणे
उत्साह आनंदाचे बहरणे
कुठून नि कसे आले कळेना
असते का उत्तर या प्रश्नांना
जीवनाच्या पाऊलवाटेवरी
हीच शक्ती असे भवसागरी
म्हणुनी भक्तीचा हा सोहळा ना
असते का उत्तर या प्रश्नांना
रसिका राजीव हिंगे
No comments:
Post a Comment