प्रसंगानुरूप काव्य

हिरव्या पानांच्या पल्याड 

अंड्याचे कवच सारूनी

अळीचे होतसे आगमन

कीटक जन्मा ये फिरूनी

गुरफटुनी घेसी कोषात

पूर्णत्व तिथेच लाभते

मखमली रूप घ्यावया

सुरवंटाचे रूप मिळते

निसर्गाची ही किमया

देहरुप ऐसे बदलते

सुरवंटाचे फुलपाखरू

होणे किती कठीण होते

प्रसव वेणा साहिल्यास

सोहंम सोहंम म्हणत

सुंदरशा  जगात आलास

कोहम् कोहम्  विचारत

क्षणभंगुरल्या जीवनी

घेसी जगून आनंदाने

मोहवितो भिरभिरत

रंगीबेरंगी पंखाने

रसिका राजीव हिंगे