शब्द

शब्दांवाचून कळले सारे

शब्दांच्या पलीकडले

नयन तुझे सांगून गेले

गुज तुझ्या मनातले

शब्दांचा का आधार घ्यावा

सलज्ज तू नयनी दिसली

डोळे हे जुल्मी गडे

असेच तू मनात वदली

राग,द्वेष,मत्सर,असूया

शब्द भांडार होई रिते

लोचनीची भाषा मग

गर्भितार्थ सांगून जाते

मायेच्या वात्सल्यासाठी

शब्द नाहीत ग जगती

गहिवर मनी दाटून येई

नयनी प्रेमधारा झरती

शब्दास पर्याय नयन

मिळे आम्हास आंदण

वर्तुळ पर्णत्वाचे होण्यास

लाभले आम्हास लोचन

रसिका