कुण्या राजाचा महाल
नभा घाली गवसणी
जणू नीलवर्णी तारा
गवसला या गगनी
खुणावतो इतिहास
संपदेचा समृद्धीचा
राजा सारख्या मनाचा
शौर्य नि माणुसकीचा
पैंजणांची छमछम
कशी गंधाळली प्रीती
काळ्या मेघापरी दाटे
क्षण विरह एकांती
नक्षीदार गवाक्षात
कलासक्त हात गुणी
झिरमिळ्या पटलाचे
कुणी फिरविले झणी
पाय घट्ट रोवूनिया
नाते जोडीले भूमीशी
उंच जाई गगनासी
राखे इमान मातीशी
रसिका राजीव हिंगे
No comments:
Post a Comment