रुप अनेक परी तू एकच

भक्तांसाठी होसी सगुण

निराकार परब्रह्म तूच

साकारतो रे तू निर्गुण

प्राशावी भरली ओंजळ

भक्तीच्या  जलाशयातून

तेज गुरुकृपेचे गवसेल

घ्यावे  निरांजन ओवाळून

भुरभुरणारा वारा जैसा

अनाहत नाद नामाचा

व्यापून आकाश अवघे

नाद लावितो गुरुचरणांचा

असे त्रिस्थळीचे एकच सत्य

गुरुविण नाही नर नारायण

भवसागरी तारावया भक्त

गुरुतत्वाचे झाले अवतरण

रसिका राजीव हिंगे