दया प्रेम शांती
हीच खरी भक्ती
भक्तीची ही शक्ती, गुरुराज।
शांत असे चित्ती
प्रशांत ही वृत्ती
माधुर्याची व्याप्ती गुरुदेव।
निस्वार्थ निर्मळ
जगण्याचे बळ
देई आत्मबळ गुरुमाय।
मी तू पण सरे
निवृत्ती अहं ची
वाट साधनेची गुरुनाथ।
ज्ञान तेज प्रेम
करुणा सागर
रूप निराकार गुरुदेव।
आकारात बद्ध
होई भक्तांसाठी
उभा राही पाठी सद्गुरू।
सद्शिष्य नित्य
येतसे शोधीत
न शोधावे रानात गुरुदेवा।
भावाचा भुकेला
मनी जागे भाव
भेटे गुरुदेव झडकरी।
रसिका राजीव हिंगे
No comments:
Post a Comment