सप्तपदी संसाराची
स्वप्न वाटावे ऐसेच
आले घडूनिया सारे
सप्तपदी संसाराची
आले चालून सख्या रे
साथ तुझी सुगंधित
मन मोहरून आले
ठसे माझ्या पावलांचे
तुझ्या सवे गंधाळले
सात पावलात सख्या
सात जन्म बांधीयले
जन्मोजन्मी तूच लाभो
ऐसे ईश्वरा प्रार्थिले
विश्वासाने फुलावी रे
फुलबाग जीवनाची
तडजोड करतांना
साथ तुझ्या रे प्रीतीची
संसाराची सप्तपदी
ऐसी फुलावी फळावी
कोंदणात प्रीतीच्या रे
बहरून नित्य यावी
रसिका राजीव हिंगे
No comments:
Post a Comment