प्रसंगकाव्य

चांद्रनगरीतून चांदण शेला 

लेऊन आलीस गे प्रिये तू 

मज भूलवाया प्रीत लाजरी

होऊनि अभिसारिका तू

गंधशाली मनरमणी ग

दरवळ उधळत वाटेवरी

मोहवीत हृदयास सखये

पदन्यास करी राधाबावरी

स्वप्नवत भासे साजणी ग

तव स्पर्शाची जादू अधिरी

मधाळलेले शब्द तुझे ग

नयन तुझे जणू कट्यारी

स्वप्नझुल्यावरी झुलतांना

तुझा हात असावा हाती

तुझ्या संगे दिवस फुलावे

गंधाळाव्यात चांदण राती

रसिका राजीव हिंगे