लाट

*लाट* ®️

निळी निळी *लाट* निळ्या सागरात
निळ्या नभा गवसणी, उंच उंच होत

निळी झुळूक धुंद निळ्याच किनारी
गंधाळली *लाट* निळ्या त्या सागरी

खळाळती *लाटा* सुरेल ऐकू गाज
निळी पैठणी ल्याली निळाच साज

पुनवेचा चांद पाहून उनाडते *लाट*
हर्षभरे धावत येई तीरावरी दाट

ओहोटीत *लाट* रुसुनी बसे आत
होते घुसमट तिची मनातल्या मनात

मनी साचले मळभ लाट देई फेकून
विरत जाई मागे रिक्त करीत मन

निळ्या *लाटेवरी* दिसे यशोदेचा कान्हा
राधेचा सखा अन देवकीचा ग तान्हा


©️रसिका राजीव हिंगे