संयम

काय आहे संयम हा
कसे रूप आहे याचे
भाष्य सारे का करिती
आपुल्या अनुभवाचे

संयम आणि दातृत्व
बाजू दोन एक नाणे
त्यागाचेच रूप जणू
आहे ऐसेच जगणे

जगणे हे संयमाने
फळे मधुर मिळती
मनावरी संयम हा
येई जोडत नाती

रागावरी संयमाने
मात करावी सहज
ठेवा जिभेवरी याला
सुदृढता लाभे आज

राग,लोभ,मोह,मद
मत्सरासी ही टाळावे
संयमाने शांतपणे
जीवनास जगवावे

आहे बहुत सामर्थ्य
एका या संयमात
जेव्हा सुटे बेभान हा
सारे लया निमिषात

रसिका