भास

भवसागरी जगतांना
मायेचाच आभास आहे
तूच एक सत्य आहे
बाकी सारा भास आहे
***********************
  वृक्ष भामेच्या अंगणी
  दरवळ रुक्मिणी  दारी
  कृष्णा हा भास आहे की
  आहे तुझी माया सारी
*****************************
   भोवताली चांदण्यांची रास आहे
   तू जवळ आहेस की आभास आहे
   संथ वाहे गार वारा चांद राती
  साथ आहे साजणी हा भास आहे               
  *****************************
 हिरवाई चा उत्सव चाले
 सुंदर सावळ्या भूवरी
 वास्तव आहे नसे भास ग
 आल्या पावसाच्या सरी
************************
भास सारे व्यापून आहे
आयुष्य हे मानवाचे
रसिकराज विनविते
तंत्र जपा माणुसकीचे
****************************

     रसिका