मृगजळ

                                                         

कुणी पाहिले आहे का

कैसे आहे मृगजळ

भास की आभास हा

आहे मनीची खळबळ

धावे पारधी रानात

तिच्या मागुती सावध

कळे ना हे मृगजळ

फसताच हो पारध

किती अशा सुकोमल

आहे सुंदर हरिणी

जागोजागी मृगजळ

त्यांस कळावे जीवनी

जीवनाचा सारीपाट

नसे साधा नि सरळ

शोधा पायवाटेवरी

चालतांना मृगजळ

मांदियाळी ती संतांची

सांगे सकळ जनांसी

माया मोह मृगजळ

स्मरा आता विठ्ठलासी

नामजप दिनरात

हेच जगण्याचे बळ

नको मायेची झापड

आहे सारे मृगजळ

रसिका