प्रसंगानुरूप काव्य
असा कसा तू जाऊ
शकतोस
मला न सांगता
प्रेम केलं तुझ्यावर
स्वप्नवत सारे भासावे
असे तुझ्यात गुंतले
आणि गुंतत गेले
एका समाजरूपी वाऱ्याच्या
झोताने आपल्याला
वेगळं केलं
कधीही न भेटण्यासाठी
पण मी वाट पहाते आहे
कधीतरी येशील तू
परतून
माझ्या प्रेमासाठी
तुझ्या सहवासातील क्षण
आधार आहेत
जगण्याचे
तुझ्या स्पर्शाचे आठव
बळ देतात
चैतन्याचे
तुझे हास्य मोहून
टाकतात आजही
सारे क्षण
तू नक्की येशील
परतून
माझ्या प्रेमासाठी
काळानुरूप संदर्भ
बदलले तरी
तू तूच आहेस
आणि मी मीच आहे
आपण दोघे
एकमेकांवर प्रेम करणारे
काळ पुढे सरकला की
संदर्भ बदलतात
प्रेमाचे,जगण्याचे
बदलू दे सारे जग
पण तू ये
खरच येशील?
परतून,?
माझ्या प्रेमासाठी?
रसिका राजीव हिंगे
No comments:
Post a Comment