उतरुन आला स्वर्गच जणू
मौज पहाया अवनीवरती
गंधित कुमुदिनी पांघरलेल्या
पाहुन वसला सृष्टी वरती
पायरीवरी जरा विसावे
मोहक दिसते या नयनाला
काय पाहू नि कसे करावे
सौंदर्याच्या परिभाषेला
बहरत परिमल चोहीकडे
प्रसन्नतेचा दरवळ आला
संभ्रम पडला तया मनाला
सृष्टी छान की स्वर्ग चांगला
इंद्रधनू सम भासे सारे
धरा सावळी सजली नटली
ऋतू गुलाबी लेऊन आली
कोण अप्सरा कुठून आली
रसिका राजीव हिंगे
No comments:
Post a Comment