पुढे पसरला अथांग सागर
निराकार ते निर्गुण रूप
भवितव्याचे घेउनि आंदण
उभे ठाकले जणू जलस्वरुप
अथांगतेतून गवसेल मग
विशालता त्या निर्मिकाची
वेगवेगळी रूपे निर्मितो
कैसी किमया नियंत्याची
किती शिंपले मोती विरहित
लाटा समेत येती किनारी
स्वातीचे ते थेंब घडविती
कितीक मोती याचे उदरी
संचित प्रारब्ध सवे देतसे
कर्मानुसार हा भवसागर
क्रियामाण ते करावयासी
पुढे पसरला अथांग सागर
रसिका राजीव हिंगे
No comments:
Post a Comment