पाऊस

 

तू किती दिवस थांबणार आहेस अजून?
तुला कंटाळा नाही येत इथे
अरे तिकडे जा न तू
तिथे तुझी गरज आहे आता
ती तुझ्या एका नजरेसाठी
आसुसलेली आहे रे
कधी येशील म्हणून तुझ्या वाटेकडे
डोळे लावून बसली आहे
जरा जा न तिकडे
तिलाही तुझ्या सहवासाची
ओढ आहेच रे
तुलाच कशी नाही
छान नटून बसली आहे ती
खरच सांगते पावसा
आता तू जा आणि
तिकडे बरस थोडा
तडा गेल्यात रे तिच्या
हृदयाला तरीही ती नटली
तुझ्यासाठी
म्हणून सांगते
तुझा आता मुक्काम हलव
इथला आणि जा
माझ्या एकनाथांच्या
पैठणला, माझ्या
देवगिरीवरून खळाळू
दे तुझ्या सरी
वाहू दे दुथडी भरून
नदी नाले,.....हसू येऊ
दे माझ्या मराठवाड्यात
प्रत्येकाच्या ओठी......
कृतार्थतेचे!