मोकळ्या केसात तुझ्या
मोकळ्या केसात तुझ्या
मेघ सावळे साजणी
मोगरा माळला कुंतली
जणू लखलख सौदामिनी
तुझे मोकळे केस काळे
भिरभिरती वाऱ्यावरी
जीव वेडावतो सखे
उधाणली प्रीतबावरी
मोकळ्या केसात तुझ्या
गंध कैसा फुलारला
जाई जुई गुलाब ही
बघ सखये ग बावरला
कोसळत्या पावसाचे
थेंबथेंब बघ लगटले
मोकळ्या केसात तुझ्या
पुन्हा पुन्हा स्थिरावले
रसिका राजीव हिंगे
No comments:
Post a Comment