वादळ

पेल्यातल्या वादळापेक्षा
मनातलं वादळ तसं शांत
पेल्यातलं वादळ चक्राकार
मनात वादळ वक्राकार होतं

मनातले वादळ
तळाशी येतं
पेल्यातलं वादळ
चक्राकार फिरतं


वादळात दिव्याची वात
फरफरत आहे
आडोसा नाही परी
दिवा तेवत आहे


मनी माझ्या आहे
वादळाचे गाव
कसे आणि काय
सांगू त्याचे नाव


आठवांचे वादळ
भावनेच्या सागरी
मेघ काळे दाटले
पापणीच्या किनारी

रसिका



वादळवाटा झाल्या धूसर
सोबत असता नसे भीती
सावरतांना एकमेकांना
नाही होणार कोणती क्षती
रसिका

वादळ कोणतेही असो
निसर्ग किंवा मनाचे
झळ तर पोहचतेच
परिणाम पण भोगायचे
रसिका

निसर्गाची वादळे
सृष्टी उध्वस्त करतात
तर आयुष्यातली वादळे
मनास उध्वस्त करतात
रसिका

उनाड वाऱ्यासवे
वादळ सुसाटले
काय ठावे त्यास
सोबत काय नेले
रसिका