मंतरलेल्या वाटा
क्षण हळवे क्षण बावरे
साद घालिती मनामनाला
क्षणभंगुर हे जीवन आहे
जगून घ्यावे या जन्माला
गुंफण ऐसी ऋणानुबंधी
कधी नात्यांचा पाश भोवती
नियतीचे ह्या फासे कळेना
कधी नात्यांचा फास सभोवती
विसरुन सारे हेवेदावे
सद्गुरू चरणी लीन व्हावे
भवसागर हा तरून जाण्या
मनात जपले तुलाच द्यावे
आयुष्याच्या वाटेवरती
सडा फुलांचा किंवा काटा
परी होतील समर्पणाने
या मंतरलेल्या वाटा
रसिका राजीव हिंगे
No comments:
Post a Comment