ऐक माझ्या मनातले
सांग ना माझिया मना
किती आवरु सावरू
चंचलता सांभाळी तू
व्हावी स्थिरता आधारु
उधळती पुन्हा पुन्हा
वारू माझ्या विचारांचे
कैसे खेचावे लगाम
तुझ्या वाऱ्याच्या गतीचे
कुठे कुठे नेशी मला
कल्पनेच्या पल्याड तू
उंच आकाशी फिरता
वास्तवाच्या अल्याड तू
ऐक माझ्या मनातले
मन जे तुझ्या अंतरी
गूज ऐक एकदाच
शांत हो हृदयांतरी
रसिका राजीव हिंगे
No comments:
Post a Comment