पंख पसरूनी वाटे
पंख पसरूनी वाटे मुक्त विहरत जावे
सृष्टीचे हे रम्य सोहळे मनी अनुभवावे
बळ भरुनी पंखात वाटे नभांगणी जावे
घ्यावे चांदणे मोजून नक्षत्रांना ही वेचावे
पंखाखाली अलगद पांघरावे सागराला
नभी चांदवा पाहता इथे का हा उधाणला
जावे मनाच्या पल्याड मन पाखरू होऊनि
नियतीचे खेळ सारे यावे जरासे पाहुनी
पंख पसरूनी वाटे घ्यावी कवेत निळाई
कृष्णसखा भेटे तिथे जर असेल पुण्याई
रसिका राजीव हिंगे
No comments:
Post a Comment