कधी पडलंय का
सारीपाटावर मनासारखे दान?
बुद्धीचा कस लावायचा
हा डाव खेळतांना
पण बुद्धीवरही अंकुश
त्याचाच
त्याला हवं तेच दान
पडणार
चाल ही प्रत्येकाची
त्यानेच ठरवली
लक्ष्मी संगे परमात्मा
खेळत बसतो
चौसष्ट घरांच्या वाड्यात
बसून
प्रत्येकाचे आयुष्य
घडवीत
चित्रगुप्ताने पाठविलेल्या
पाप पुण्याची
गोळाबेरीज करत
सगळं तोच ठरविणार आहे
सोबतीला असतं संचित
प्रारब्ध कर्म
तेवढच फक्त आपलं
हक्काचं....
रसिका राजीव हिंगे
No comments:
Post a Comment